أحلى ٥ أماكن للفطار الصبح

بما إن الجو ابتدا يتحسن فالخروج الصبح هيبقى من أجمل الحاجات اللي ممكن تبسط بيها نفسك، فدول أحلى خمس مطاعم تقدر تدلع فيهم نفسك الصبح.

١. Bell’s

ديكوره الرايق وفطاره الراقي هيظبطلك يومك كله، الصور بس بتاعة الفطار وهمية فما بالك بالطعم، ولو معاكي أطفال فهو فيه كيدز إريا لطيفة.
المكان موجود في 12 شارع مصطفى كامل، دجلة، المعادي.

٢. Coven Cafe

المكان هينقلك من غير طيارة للندن لأن ديكوره كله إنجليزي، وكمان بيقدم أطباق من المطبخ الإنجليزي للفطار وللغدا.
كوفن موجود في شارع 10 في العبور، جنب النساجون الشرقيون.

٣. Tutti Matti

الفطار الإيطالي مستنيك في توتي ماتي، مواعيد الفطار هناك من 9 الصبح لواحدة مساءً، أصل التغيير مطلوب بردو فمرة تفطر إيطالي بقى وكمان في شارع 9 في المعادي اللي هتلاقي العصافير بتحتفل بمجيئك طول ما أنت قاعد، لأن المكان فيه بلكون لطيف.
موجود في 49 شارع 9، وأقرب محطة مترو ليه المعادي أو ثكنات المعادي.

٤. Tabali Bistro

طبالي بيقدملك الفول والطعمية والشكشوكة بس بنكهته الخاصة، وبيحسسك بإن لازم تروحله بلمة كده زي لمتنا زمان عالفطار، فهتلاقي نفسك بشكل تلقائي بتنادي على صحابك أو عيلتك وتقولهم يلا على طبالي نفطر سوا. المكان موجود في 13 أحمد حشمت بجوار سعودي، في الزمالك.

٥. Brix

القعدة في كايرو فيستفال مول مرورا بشكل النافورة وهي بترقص هيفصلك عن العالم الخارجي فمابالك بقى بمكان زي بريكس وفطاره المختلف الرايق.
أقرب بوابة للمكان هي البوابة رقم واحد.