مدونة
كارلوس أنيس٠٨ أكتوبر ٢٠١٩
This article is also available in   Switch Language

“كاميرا عشان تتابع قطتك”.. ٥ حاجات هتحب تعرفها عن فندق قطط مصر الجديدة

لو انت بتربي حيوانات أليفة في بيتك، وتحديدًا القطط، أكيد بتوجهك مشكلة أن هتسيب قططتك فين وقت سفرك، وفي نفس الوقت تبقى متأكد أن المكان ده أمين وهياخد باله من قططتك، دلوقتي في فندق في مصر الجديدة اسمه British Cat Hotel وهو متخصص في استقبال القطط.. هنقولك 5 حاجات هتحب تعرفها عن فندق قطط مصر الجديدة.

١. الفندق مزود بكاميرات مضافة ليها خاصية الرؤية الليلية تقدر تتابع قطتك من أى مكان في الدنيا

٢. بيتعملك أكونت على أبلكيشن مخصوص للفندق بتستخدمه عشان تشوف حيوانك في أى وقت.

٣. الفندق غرفة واحدة يتسع لـ 26 قطة وتتوافر أسرة للقطط على الأرض، فيه أقفاص خاصة للناس اللي مش حابة قطتها تختلط مع قطط تانية.

٤. خدمة فندقية ممتازة للقطط الأكل له مواعيد، والقط بيتمشط شعره كل يوم، وتوفير الألعاب عشان ميحسوش بالملل.

٥. أسعار الإقامة تبدأ من 75 جنيه، وتختلف من كل قط للتاني بحسب احتيجاته.