حاجات منحبها
شروق مجدي٣٠ سبتمبر ٢٠١٩
This article is also available in   Switch Language

٤ أغاني عن القاهرة

القاهرة أصلًا مدينة الأصوات، معروفة بدوشتها، بس دايمًا في وسط الدوشة هتقدر تلاقي صوت يجذبك من بين كل الأصوات.

وعشان كل تفاصيل القاهرة، ففي أغاني كتير اتغنت عنها وليها، هنا جمعنا معظم الأغاني اللي اتغنت للقاهرة وأهلها:



١. تتر مسلسل القاهرة 2000




في تترين المسلسل اللي تم انتاجه سنة 2006 بيغني مدحت صالح للقاهرة، يمكن تتر المقدمة كان في ذكر للقاهرة بصورة أكبر، لكنها كانت موجودة في التترين، بيحكي فيها عن شكل القاهرة وناسها وإزاي في تناقض بين اللي بيحسوه وبين الشكل العام، أغنية المقدمة اسمها “القاهرة اللي منورة” وأغنية الختام اسمها “يا صابرة”

الأغنيتين كانت كلمات الشاعر سيد حجاب وتلحين عمار الشريعي.



٢. هنا القاهرة



وبنفس ألحان عمار الشريعي وكلمات سيد حجاب، غنى الفنان علي الحجار واحدة من أشهر الأغنيات اللي اتغنت للقاهرة وهي أغنية “هنا القاهرة” واللي كانت تتر لمسلسل بنفس الاسم، الأغنية اللي موصفتش شكل القاهرة ولكنها وصفت الحالة الخاصة بيها، وعلاقة أهلها بيها اللي دايمًا فيها تناقض بينتهي دايمًا بمشاعر أُلفة.



٣. القاهرة



من 3 سنين حصل ديو بين اتنين من أهم فنانين مصر وهم عمرو دياب ومحمد منير، وعملولنا أغنية جديدة جميلة جدًا عن القاهرة، اسمها القاهرة ونيلها، واللي اتصورت كلها على النيل وبتظهر جماله بشكل حلو جدًا، الأغنية كلمات تامر حسين.



٤. أهل كايرو



واحد من الفنانين اللي مش مصريين ومعروف بحبه الشديد لمصر هو حسين الجسمي، وليه أغنية برضو عن القاهرة وهي كانت تتر لمسلسل “أهل كايرو” والأغنية ليها نفس الاسم، وبتحكي عن التغير اللي حصل لأهل المدينة في فترة من الفترات.

الأغنية كلمات الشاعر أيمن بهجت قمر وتلحين وليد سعد.



مقالات ذات صلة