رئات القاهرة.. حدائق ها تحب تزورها في القاهرة

الصيف خلاص بيمشي بحره وصهده ورطوبته، الوقت ده أفضل وقت إنك تقضي يوم وسط الماء والخضرة، ومش ها تروح بعيد الموضوع كله جوة القاهرة، بخلاف حديقة الأزهر في حدائق كتير في القاهرة ممكن تروحها.

حديقة الأندلس

في قلب القاهرة وعلى النيل مباشرة، في واحدة من أجمل الحدائق اللي في مصر، حديقة الأندلس اللي تعتبر جزء من التاريخ المصري، لان المسرح في حديقة الأندلس وقف عليه كل نجوم الغناء في مصر من أول عبدالوهاب وام كلثوم وشهد بداية نجومية عبدالحليم حافظ وشادية وصباح ونجاة ورشدي وقنديل وفوزي وغيرهم وغيرهم.

الحديقة جزئين الجزء الشمالي واسمه الحديقة الفرعونية والحديقة دي مصنفة ضمن الأثار المصرية، والجزء الجنوبي اسمه حديقة الفردوس ومبنيه على النظام الأندلسي وفيها عدد كبير من الأشجار المعمرة عمرها أكبر من 70 سنة، الحديقة شغالة طول أيام الأسبوع من 8.30 الصبح لغاية الساعة 12.30 بعد نص الليل.

حديقة الميريلاند

ممكن نعتبرها واحدة من أقدم الحدائق في مصر، الميرلاند في مصر الجديدة، اعيد افتتاحها للجمهور بعد تطويرها وتجديدها، والحقيقة هي متنفس جميل ولطيف لأي حد يحب يزورها بأشجارها الكبيرة المعمرة وتماثيلها الأثرية، وطبعا نافورة الميرلاند المشهورة، ده غير عدد من المطاعم ومنطقة للأطفال، كل ده وغيره بيتخلي الميريلاند فسحة ممتعة للعيلة.

الحديقة مفتوحة طوال أيام الأسبوع من 9 صباحا ل 10 مساء.

جديقة الأسرة

على نمط حديقة جاردان دي كلاشمثيون الفرنسية أتنبت حديقة الأسرة، وتعتبر أول حديقة في الشرق الأوسط تبلغ مساحتها 70 فدان، بأشجارها ونباتاتها وبحيراتها الصناعية وفيها كمان مجمع ثقافي في مجسمات مصغرة لمكتبة الإسكندرية وجنينة الحيوانات والمتحف الحربي وغيره وكمان في منطقة ألعاب للأطفال ومطاعم.

الحديقة مفتوحة من الساعة 10 الصبح لحد 12 باليل.

الحديقة اليابانية

كأنك روحت اليابان فجأة كدة، الحديقة مبنية على الطراز الياباني وفيها عدد من النباتات الأسيوسة إضافة للبحيرات الصناعية والتماثيل اليابانية ومنطقة ألعاب للأطفال وبحيرة تجديف للأطفال.

مواعيد الحديقة من 9 الصبح لحد 9 باليل طوال أيام الأسبوع