أكل وشرب
مروة القسطاوي١٧ سبتمبر ٢٠١٩
This article is also available in   Switch Language

اقدم أكلة مصرية: الفطير المشلتت

وياترى مين فينا مش بيحب اللأكل وخصوصاً لو كانت مش أي اكلة موجودة، لا دي اكلة مصرية اصيلة و معاها الجبنة القديمة والعسل الاسود والمش. اكيد عرفته انا بتكلم عن ايه.

سيادتي وسادتي احب ان أقدم لكم اقدم اكلة مصرية وهي “الفطير المشلتت”. ايوة زي مقرءتوها كدة، نرسم قلوب كتير واحنا بنتخيل اننا بنغمس الفطير في العسل وجبنة القديمة والمش، وجنبنا الشاي المصري الاصيل مش ابو الفتلة دة لا الشاي التفل، اللي هو لما بتخلص شرب الشاي التفل بتبلعه (كانت من ضمن ذكريات الطفولة المريرة انك تبلع التفل فكرينها اكيد) نرجع لموضعنا الفطير بقي.


اول من اخترع الفطيرالمشلتت هم القدماء المصريين وكانوا يقدمه للالهه في المعابد، وكان يسمي عندهم بأسم “الملتوت” كان يحتوي علي العناصر التي لها قيمة مادية كبيرة مثل السمن والدقيق والعسل، ومع مرور السنين تغير اسمه إلي “الفطيرالمشلتت”. يعتبر الفطير المشلتت من الاكلات الريفية المصرية المعروفة، يعد تقديم الفطير في الريف من الاساسيات للترحيب باضيوف، فهو رمز الترحيب مع العسل والمش، ثم اتنقل إلي الصعيد، كان الفطيرهو رمز الترحيب في الافراح ومناسبات الرسمية في الصعيد وحتي الدلتا.

مهما لفيت العالم كله، عمرك ماحتلاقي اكله تحس بعديها انها قفلت معاك ومش عاوز حاجة تانية بعديها غير كوباية شاي في الخمسينة وتدخل تنام بعدها.

نفسك تاكل فطير دلوقتي فعندك احسن الاماكن في القاهرة بتعمل الفطير علي اصله زي المخابز، سوبرماركت سعودي، حمزة بجميع فروعه. ولو انت في اسكندرية وراجع القاهرة علي طريق الصحراوي ممكت تعدي علي “واحة عمر” حتلاقي عنده احلي فطير مشلتت ممكن تاكله في حياتك، و ممكن تاخد كمان فطيرة معاك هدية لاهلك واصحابك take away.

لو ليسة مجربتش الفطير المشلتت، فأحب اقولك انك فيتك كتير جدا، مضيعش وقت كتير وجربه دلوقتي؟

مقالات ذات صلة