✖︎

Schedules are updated every Thursday.

مدونة
كارلوس أنيس ١٤ سبتمبر ٢٠١٩
This article is also available in English. Switch Language

ليه لازم تجرب الأتوبيس أبو دورين في القاهرة

اطلقت محافظة القاهرة السنة ديه عدد من الأتوبيسات اللي بدورين كجزء من تطوير خدامات النقل العام في العاصمة، وديه خطوة شافها كتير من الناس أنها كويسة جدًا، واترجم ده في صور الإقبال الكثيف على الاتوبيس على الرغم أن خدماته منتشرتش بشكل كبير لسه، في السطور الجاية هنقولك ليه لازم تجرب الأتوبيس أبو دورين في القاهرة…

الدور التاني

أكيد أول حاجة بتفكر فيها وانت بتشوف الأتوبيس ده أيه إحساس اللي قاعد في الدور التاني جنب الشباك، وتجري في مخيلتك صور الأتوبيس اللي بدورين في أوروبا، وأنك هتعيش تجربة مختلفة للموصلات في القاهرة، حابب أقولك أن ده حقيقي، تجربة القعدة في الدور التاني في الأتوبيس تجربة ممتعة لازم متفوتكش…

مُكيف

لازم تعرف أن الأتوبيس ده مكيف، يعني دورين ومكيف، محدش يحلم بأكتر من كده في القاهرة، قاعد مرتاح مع فيو رائع لشوارع العاصمة، والتكيف بيتطري عليك في الحر ده، وهتحس أنك مش عايز تنزل من الأتوبيس خالص بالذات لو اليوم حر جداً.

سريع وآمان

ممكن لما تشوف حجمه تفتكر أن حركته بطيئة وهتعاني عشان توصل للمنطقة اللي انت عايزها، لكن حابب أقولك أن الأتوبيس ده سريع جداً وبيقطع المسافة بتعته في نص أو تلت ساعة لو حالة الازدحام كويسة، ده غير أنه أمان ومش هتحس وانت راكبه أنه بيتهز بيك أو ممكن يعطل، الأتوبيسات ديه لسه بشوكتها، استمتع بيها وهى لسه في بيديتها مبهدلتهاش المشاوير..

رخيص

تعريفة الأتوبيس ده مع كل الخدامات ديه مش كبيرة، 5 جنيه سعر التذكرة، متتفجأش فعلا سعرها رخيص مقارنة بالأتوبيسات العادية المكيفة اللي تسعيرتها 10 جنيه، وده خلى الإقبال عليه أكبر.