حاجات منحبها
404: مؤسسة مصرية تجمع الفنانين الشباب
404 رسالة دايماً تطلع لما تدور على موقع مش موجود. و دة بالظبط البيحصل لأي حد بيحاول يدخل مجال الفن في مصر. بيحس ان مكانه مش موجود وانه معندوش فرصة انه يقدم فنه بحُرية.
بس ليه منخليش ال Error دة هو اليخلينا نتجمع و نبتكر ونشجع بعض؟
404 هي مؤسسة اسسها سلمى زكريا (١٩ سنة) و يوسف منصور (١٧ سنة) و هدفها الاساسي انها تجمع الفنانين الشباب من كل المجلات سواء مصورين، رسامين، مغنيين، عازفين، كاتبين، او ملحنين، و غيرهم ويدوهم فرصة انهم يعرضوا فنهم في بيئة تشجعهم وتحترمهم وتساعدهم عشان للأسف ساحة الفن في مصر محدودة و محصورة على فنانين قليلين و في ناس كتير شغلهم كويس جداً بس مش واخدين فرصتهم.
بتقدم انشطة كتير منها جولات تصوير، open mics، ورش، معارض، و غيرها كتير.
افتتاح 404 كان في شهر يوليو الفات و حضره اكتر من ٤٠٠ شخص و عرض فيه اكتر من ١٠٠ فنان شغله شواء في معرض التصوير و الرسم او ال open mic، دة يخليه اكبر event من نوعه اتعمل!
وعملوا جولتين تصوير في الزمالك و الدرب الاحمر خلال لشهر الفات. وفي ايفنتس قريبة كتير منها جولة تصوير في اسكندرية!