دليلك لتكوين صداقات فى القاهرة

عايز تكوّن صداقات جديدة؟ جمعنالك بعض الاقتراحات..

استكشف عوامل جديدة للترابط…

دوّر على شغفك و الحاجات اللي بتشد اهتمامك و روح اتعلمها و احضرالفاعاليات المتعلقة بيها, هتقابل ناس كتيرعندها نفس الشعف و بيدوّروا هما كمان على اصحاب. لو ليك فى الكتب, احضر مناقشات و اشترك فى اي نادى كتاب, زى “ركن الياسمين” مثلاً. و لو الرسم او الكتابة, هتاتقى اماكن كتير تنمى فيهلا موهبتك و تتعرف على اصحاب جداد. فى البوست ده هتلاقى امثلة للأماكن دى.

ماتوزعش ابتسامات

الابتسام المبالغ فيه مش هيفيدك فى تكوين صداقات.اكيد من الذوق و انت بتسلًم على حد او داخل مكان متعرفوش وبتسأل على حاجة تبتسم, بس غير كدة الابتسام الغير مبرر للناس بيبقى مريب و بيتفهم انه مزيف, و مش كافى تماما لبداية صداقة فى الزمن ده.

اتكلم من غير تردد

خليك واضح و واثق من نفسك و انت بتتعامل مع الناس. لومثلاً حضرت اي تجمع او مناسبة و سمعت حد بيقول حاجة او رأي معين عجبك, اوضح اعجابك من غير احراج و ماتخفش من فكرة التطفل. ابتدى نقاش, ممكن تلاقى حاجات اكتر مشتركة بينكم.

رحلات المجموعات

معدن الناس الحقيقى بيبان فى الغربة, ومفيس زى السفر يقرّب الناس من بعض. دوّرعلى رحلات المجموعات المنظمة, و سافر لوحدك مع ناس ماتعرفهاش. هتقضي وقت حلو و غالباً هتكوّن صداقات جديدة.