مشاريع
رحمة علي٣١ أغسطس ٢٠١٩
This article is also available in   Switch Language

٣ شواطئ للبنات وبس عشان تستمعي براحتك في الساحل

احنا كبنات ساعات كتير بنبقي عايزين مكان كده يجمعنا نحس فيه بالانطلاق من غير وجود أي دخلاء، خصوصا لو كنت محجبة أو صاحبتك ونفسكوا كلكوا ترقصوا وتهيصوا براحتكوا، فمن هنا رفعت بعض الشواطئ في مصر شعار ممنوع للرجال، والشواطئ بدأت تنتشر شوية بشوية والفكرة فعلا عجبت بنات كتير، ولاقوها دايما تجربة ممتازة لازم تتكرر.


طيب فين الشواطئ دي؟ احنا هنقولكوا.



La Femme Beach




“لافام” موجود في مارينا 5 الساحل الشمالي أمام جولدن سكوير، دخول البيتش بيبقي من الساعة 12 ل7 مساءًا، ولو أنت أم ممكن تأخدي أطفال عادي، وأكبر من 10 سنين بيبقي مسموح ببنات بس وبتتحسب تذكرة كاملة.


وطبعا عشان الخصوصية فممنوع التصوير نهائي، سواء موبيل أو كاميرا. المميز في “لافام” أنه ساعات كمان بيوفر وسيلة مواصلات من القاهرة، دا غير أنه بينظم حفلات دايما زي بوسي ومحمود الليثي وحفلات رقص متنوعة، وكله طبعا بنات وبس. لو عايزة تحجزي أو تسألي على أي حاجة اتصلي على الرقم دا: 01200208242.



شاطئ الياشمك



الياشمك برده موجود في الساحل الشمالى فى قرية المنتزه عند الكيلو ٨٠، وهي تجربة مختلفة ومبهجة برده، ولو عرفتي تجمعي صحابك وتروحي على خميس أو جمعة، هتبقي كده عملتي الصح، دا عشان الشاطئ بينظم رقص زومبا ومسابقات وبيلي دانس ورقص هندي، وكل اللي نفسك فيه. الشاطئ سامح بوجود موبيل بس ممنوع تصوري حد يكون ظاهر معاكي في الصورة. تقدروا تتوصلوا مع القائمين على الشاطئ على الرقم دا: 01092091115.



شاطئ فلامنجو



ممكن نعتبره أكبر شاطئ للبنات وهو موجود في مارينا 5 برده، والمكان مختلف عشان موفر كيدز أريا وجيم وكمان محلات عشان تشتري احتياجاتك للبحر لو نسيتي حاجة، وطبعا في مطاعم وكل الأكل اللي تحبيه. طيب ليه اسمه فلامنجو؟ دا عشان في فلامنجو مثلا! أه الشاطئ فعلا عليه طائر الفلامنجو المبدع عشان تأخدي سليفي الفلامنجو ولا كأنك في الكاريبي. لو عايزة تحجزي يبقي تتصلي دلوقتي على الرقم دا: 01063073432


مقالات ذات صلة