أكل وشرب
الحر مبهدك.. جمعنالك ٣ أماكن تأكل فيهم آيس كريم من الآخر
الشمس بتحرقنا يوميًا، بنتمناه يخلص صح؟! بس الصيف لسه ليه إيجابيات، عارفين إيه، هذا الاختراع العالمي اللي اسمه “آيس كريم”، رغم أنه متوفر صيف وشتا، بس في الصيف بيبقي ليه طعم تاني، وهي بتطري على قلبك كده كأنها بتغسلك من جوا.
مش عايزين كلام كتير -عارفة بتقول إيه من جوالك- ندخل في المفيد على طول، هنا جمعنالك ٣ أماكن هتأكل فيهم آيس كريم على حق في القاهرة.
زي ما يقولك كده انسى كل همومك واضرب أحلى آيس كريم من عند ميو، هي خلطة إيطالية فرنسية هتنسيك الحر وسنينه، الجميل في ميو أنه متوفر بنكهات جديدة زي المارون جلاسيه الأفوكادو، لا دول كمان منسوش مدمني القهوة، فممكن تأخدك رشة قهوة كده على وش الآيس كريم.
المكان ممكن يكون صغير بس ألوانه البيضا والبمبي، مناسبة للبهجة الآيس كريم، وبالنسبة للأسعاره فهي بتدأ من 30 لحد 105، ودا سعر النص كيلو.
جيلاتيو ميو موجود في الزمالك والمعادي، والمفاجأة أنك ممكن تطلبه من اطلب من اللينك.
دا بقي مزاج أهل مصر الجديدة وضواحيها، تقدر تأكل الآيس كريم بأطعم متنوعة، وخاصة أي نوع فاكهة، والنكهات بقي يا سيدي، عندك كل ما لذا وطاب، كمان أنت تقدر تجود براحتك وتطلب حاجة كريتف على آخر زي كابريكوف وهو حاجة كده عبارة عن نكهة الفستق، مع الكراميل والقهوة.
الأسعار تبدأ من 25 لحد 75 جنيه ودا سعر النص كيلو، وزي ما بقولنا هو متواجد بس في مصر الجديدة في شارع المرغني.
حبينا نختم بالأيس الكريم الجامد دا، لأنه تقريبًا من أقدم المحلات اللي بتقدم آيس كريم في القاهرة، بس هو الصراحة بيطور نفسه بشكل كبير، فعمل مؤخرًا آيس كاب، حاجة كده حكاية، يعني هتحط جوا البولا اللي بتحبها وتأكلها بالكوباية كده.
بصوا هو اختراع، مينفعش يتحكي لازم يتأكل، ودي صفحة الفيس بتاعتهم.
لو ليك أي تجربة ايس كريم ميتعودش شاركنا تجربتك، دمتم منعنشين.