مشاريع
نهى قنديل١٤ أغسطس ٢٠١٩

٤ من أفضل اماكن لتعليم الرقص فى القاهرة

لو عايش فى القاهرة و ضغط الحياة مسيطرعليك, جبنالك الحل؛ ارقص. هو فيه احلى من الرقص ينسيك همك و يديك طاقة و يحافظ على صحتك؟ منفتكرش فيه. روح لأي مكان من الاماكن دى و هما هيحسنوا مودك اكيد…



ستوديو براس مانكيس



ستوديو براس بيقدم جميع انواع الرقص اللي ممكن تفكر فيها؛ هيب هوب, رقص معاصر, رقص لاتيني, باليه, ده غير دروس و رحلات منظمة لممارسة اليوجا. المكان موجود فى نادى ليك هاوس – شارع التسعيين , التجمع الخلمس.



سنترل ستوديو



لو عايز ترقص هيب هوب على اصله, يبقى مفيش مكان زي سنترل ستوديو تتعلم فيه صح. مع ان المكان بيقدم دروس فى جميع انواع الرقص, الهيب هوب هو النوع الاكتر شهرة هناك بسبب استعانة المكان بأفضل المدربين و مصممين الرقص على مستوى الدول العربية؛ زي متعدد المواهب محمود شكرى – راقص, مغنى و مقدم اذاعي, مع مصممة الرقص الافضل ليلى غالب.


ادمز دانس ستوديو



زي سنترل ستوديو, ادمز بيستعين بأفضل مدربي الرقص على الساحة لتقديم اعلى جودة من التعليم. المكان ليه فرعين, و احد فى الشيخ زايد و التانى فى القاهرة الجديدة, و كل سنة بينظم حفلة للأحتفال بالمشتركين فى جميع انواع الرقص بمختلف اعمارهم.



چانكيز موشين



موشين چانكيز متخصص فى تعليم انواع من الحركة و الرقص مش بيقدمها اماكن كتير فى مصر. المكان بيقدم دروس الرقص الهوائي, رقص الهيلاهوب, و تعليم التقنيات المختلفة للتوازن و الوقوف على اليدين. موشين چانكيز ليه فرع واحد فى المعادى, و بيقدم ورش للكبار و الاطفال.

مقالات ذات صلة