مشاريع
عوض صليب٢٥ يوليو ٢٠١٩
This article is also available in   Switch Language

أفضل مطاعم قريبة من هضبة أم السيد في شرم

هضبة أم السيد في قلب شرم الشيخ مميزة بطبيعتها اللي بتجذب السياح، وكمان فيها مجموعة من عناصر الجذب زي القنادق والمولات، والمطاعم المتنوعة اللي بتنتمي لمطابخ مختلفة زي الإيطالي والأسيوي والأمريكي.


١ . جريل هاوس

جريل هاوس Grill House في شارع الميركاتو من مطاعم المشويات المميزة على الطراز الأمريكي، وهو متخصص في البرجر والاستيك والفاهيتا.

وعنده كمان تنوع كويس جدا في السلطات والمقبلات، مع منيو حلو ومشروبات سخنة وباردة.



٢ . وسابي سوشي

لو انت من عشاق السوشي فمطعم وسابي سوشي Wasabi Sushi Bar & Lounge هيكون اختيار مناسب ليك جدا، مش بس في السوشي لكن في الأكل الياباني بشكل عام. فلو مش حابب السوشي بأنواعه ممكن تجرب أطباق الفراخ والجمبري والمأكولات البحرية.



٣ . إلفرونتويو

إلفرونتويو Il Frantoio مطعم إيطالي راقي جوه فندق فور سيزونز بيقدم عشاء من 6.30م لغاية 11م.

المنيو عامر بالاسباجتي والباستا والأصناف الإيطالية زي التاجلياتا دي تونو ودي عبارة عن تونة مشوية مع بيوريه بتنجان مدخن وزيتون مجفف وشمر وصوص برتقال.



٤ . كالماري سي فود

لو نفسك في أكلة سمك لكن مش حابب المطبخ الأسيوي، يبقى عليك وعلى كالماري Calamari Seafood Market Restaurant اللي واخد شهادة امتياز من Trip Advisor وبيقدم طرق تسوية الأسماك المعروفة في مصر زي السنجاري والطاجن والمشوي زيت وليمون أو ردة، مع تشكيلة كبيرة من السلطات والأطباق الجانبية.



٥ . المصريين للمشويات

لو كل القايمة اللي فوق مش مريحة بالنسبالك وانت غاوي أكل مصري وشرقي واضح يعني كباب وكفتة مع سلطة طحينة وسلطة خضرا يبقى انت بتدور على المصريين للمشويات، وهتلاقي هناك كل اللي نفسك فيه من محاشي وريش وممبار وحواوشي وفتة، وده بأسعار معقولة جدا.


مقالات ذات صلة