مشاريع
أفضل ٧ أماكن لركوب الخيل وتعليم الفروسية في القاهرة
أكيد جه على بالك أكتر من مرة أن نفسك تركب خيل، أو يمكن بتدور دلوقتي على أماكن مناسبة عشان تركب فيها خيل أو حتى تتعلم الفروسية، احنا هنقولك على أفضل 7 أماكن لركوب الخيل في القاهرة، ممكن تروحهم وتشد حبيبك معاك عشان تجربوها.
من ألطف الأماكن اللي تقدر تتعلم فيها الفروسية وتركب خيل في القاهرة، بيبتدوا معاك من الصفر، ومتاح كمان تخلي أطفالك يبدأو يتعلموا الفروسية عشان روحهم تتملي بأخلاق الفرسان من بدري، غير الخيل المكان ده حلو جدًا عشان تقضي فيه وقت حلو مع الأسرة أو الصحاب وسط الخيول والهواء الطلق.
٢. الريف العربي
المكان مخصص للأسر، وبيقدم خدمات كتير مش بس ركوب الخيل لكن يعتبر ركوب الخيل هو من أكتر الخدمات اللي بتميزه، هتلاقي قعدة حلوة في أجواء ريفية وهوا نضيف وقعدة كلها ضحك وهزار، ده غير أنه أمن ومناسب للأطفال وتقدر تركب فيه خيل برحتك وأكيد هتتبسط.. المكان بالحجز المسبق.
٣. F.B. Stables
نزلة السمان طبعًا علامة من علامات ركوب الخيل والجمال في مصر، والأجانب بيجوا من كل حتة في العالم عشان يركبوا خيل وجمال عند الأهرامات، بنرشحلك المكان ده عشان هو بشهادة ناس كتير الخيول بتاعته كويسة والمعاملة فوق الرائعة، ده غير الجولة اللي بتطلعها بتبقى مع مرشد هيوريك الجمال الحقيقي لسقارة، لو بتفكر تنظم رحلة أو طلعة جماعية، كلم المكان ده واحجز معاهم، وحضر نفسك لجولة مش هتنساها.
٤. Horse kind Cairo- Riding Adventures
يعتبر من أكتر الأماكن الاحترافية في مصر للتدريب على الفروسية، ده غير أنه الأجمل لو عايز تاخد جولة بالخيل وتحس أنك طاير، المكان بشراكة مصرية بريطانية، فيها ساحات للمحترفين لو حابب تجرب قفز الحواجز، ومساحات آمنة للمتدربين واللي لسه بيبتدوا، هو مش هيعلمك ازاى تركب خيل بس، لكن هيخليك تعرف ازاى تتعامل معاه، عشان كده بيخليك تأكل الفرس بتاعك ويمكن كمان تحميه قبل التدريب عشان يبني علاقة بينك وبينه، المكان مش بعيد 20 دقيقة بالعربية من المعادي.
تجربة مختلفة في المكان ده، انت مش بس رايح تركب خيل لأ، المكان فيه كافيه عشان لو حابب تاكل أو تشرب ده غير أنه بينظم حفالات كتير عشان ترقص على أغاني الدي جي، وبيقدملك تجربة مختلفة ومميزة في ركوب الخيل في أجواء بعيدة عن ضغوط الحياة، تقدر تقضي هناك اليوم كله المكان حلو والخدمة فيه ممتازة، غير الخيول اللي على درجة عاليا من الجمال والنضافة والشقاوة هتخليك مش عايز تسيبه.
هتاخد 40 دقيقة بالعربية عشان توصله، وحضر نفسك لجولة متتنسيش في صحراء الفيوم، وسط أجواء صحراوية وريفية أصيلة، المكان بيقدم أكل في منتهى الجمال عشان لو جعت وانت عالخيل، غير أنه بيقدم جولات للناس المبتدئة وبتكون رتمها بطيئ أما لو انت محترف فبيسبوك تنطلق برحتك عشان تحس بنسيم الهوا والطيران وانت على الخيل يا فارس، تجربة مش هتنساها والمكان أكتر من رائع.. لازم تظبط يوم مع صحابك وتجربوه.
٧. نادي القوات المسلحة للفروسية
يعتبر من أفضل الأماكن اللي بتعلم الفروسية في القاهرة، وبتقدم خدمتها للمدنيين مش العسكريين بس، ومتاح لكل الأعمار، وفسحة عائلية لطيفة، ده غير أن الأسعار هناك كويسة، المكان جنب النادي الأهلي اللي فمدينة نصر، العنوان ميتوهش، وتقدر تكلمهم على الرقم ده عشان لو حابب تستفسر عن أى حاجة..
0100157484