مشاريع
استكشفوا منطقة دهب
تقع دهب فى محافظة جنوب سيناء, وعلى بعد حوالي 100 كم من شرم الشيخ و87 كم عن نويبع. تنقسم المدينة الى قريتين : شمال المدينة ودي اللي هنلاقي فيها الاسوق التجارية والبازارات واماكن التسوق , أما جنوب المدينة أو المسمي أيضا بمنطقة بالعسلة فهي تتصف بالحياة البدوية البسيطة.
أهم الأماكن الطبيعية :
محمية نبق:
تم أعلانها كمحمية طبيعية عام 1992م ,واللي هنشوف فيها مجموعة من الحيوانات البرية والطيور والنباتات النادرة.. كمان المكان محبب لهواة الغطس, يعني هتقدروا تشوفوا الشعب المرجانية المختلفة والأسماك الملونة والزواحف وغيرها..
محمية أبو جالوم:
من الحاجات المميزة في محمية أبو جالوم أنك هتلاقي مدي قرب الجبال من الشاطئ اللي بيدي المكان سحر وطابع خاص.. كمان هنلاقي الشعاب المرجانية والاسماك الملونة والحشائش البحرية والطيور والنباتات البرية وغيرها..
الحفرة الزرقاء أو الثقب الازرق:
هي حفرة عميقة فى البحر بعمق 130م, وهي ايضا من المناطق المحببة لهواة الغطس ولكنها خطيرة في نفس الوقت وده لانها بتحتوى على عدد من الكهوف المميتة تحت المياه..فلازم نكون حذرين في المنطقة دي
منطقة اللاجونا:
هي تعتبر الشاطئ الرملى الوحيد بالمدينة علشان كده بيمثل عامل جذب مهم للغواصين
رياضة الغوص : بتعتبر من أهم الأنشطة الموجودة فى دهب فهي بتحتوى على اكثر من 30 مركز للغوص
اليوجا:
دهب بتعتبر المكان المناسب لممارسة اليوجا والتأمل
رياضة القفز بالمظلات: حيث يوجد مراكز مختلفة لتعليم القفز بالمظلات
رياضة ركوب الأمواج: دهب هي المكان المناسب والامن لممارسة الرياضة دي سواء علي ألواح أو طائرات شراعية ..كمان هنلاقي قوارب بالبدال ودراجات مائية وقوارب للتجديف
تسلق الصخور: في وادى جناى هتستمتع برياضة تسلق الصخور
السفارى سواء بالجمال أو السيارات
التسوق:
هنلاقي العديد من البازارات اللي ممكن نشتري منها الهدايا التذكارية والمجوهرات والفضة والسجاد اليدوى, ومن أشهر الاسواق الموجودة هناك هي سوق غزالة