مشاريع
عوض صليب٢٩ مايو ٢٠١٩
This article is also available in   Switch Language

أنشطة ممتعة في خليج نعمة

خليج نعمة منطقة غنية بالأنشطة في شرم الشيخ، فهناك البحر مناسب جدا للسباحة والسنوركلنج والغطس، وكمان ممكن تأجر لانش أو بانانا بوت، ده غير منطقة الممشى السياحي اللي هتلاقي فيها الكافيهات والمطاعم ومحلات الهدايا.

شراء الهدايا التذكارية

شارع الممشى السياحي في خليج نعمة بيستحوذ على معظم الأنشطة غير البحرية، فهناك التمشية وكتير من الكافيهات والمطاعم ومحلات الهدايا، وهناك هتلاقي ملابس وشنط وتحف فرعونية وسجاد مزخرف وتيشيرتات عليها رسومات فرعونية أو عن شرم الشيخ.

الكافيهات

كافيهات كتير متاحة بأجواء مفتوحة وقعدات لطيفة في الممشى السياحي، وهتلاقي عندها قائمة مشروبات كبيرة من ساقع لسخن، وبعضها بيقدم سندوتشات.

عشوة سمك

لو بتدور على مكان قريب من خليج نعمة تتعشى أكلة سمك معتبرة فيه يبقى لازم تجرب فارس للمأكولات البحرية أو أسماك كان زمان وهناك لازم تجرب الجمبري والاستاكوزا وأسماك البحر الأحمر اللي هتلاقيها طازة بحكم الموقع ومختلفة عن الموجودة في مطاعم القاهرة.

اتعلم غطس

من الفرص المتاحة في خليج نعمة وجود مدرسة البحر الأحمر للغطس، اللي بتقدم كورسات متنوعة للمبتدئين والمحترفين، من أول السكوبا دايفنج لغاية الكورسات اللي ممكن تؤهلك إنك تبقى مدرب غطس.

الإسترخاء واللياقة

مهم تحافظ على لياقتك حتى في المصيف، ومنطقة خليج نعمة غنية بالأندية الصحية والجيم، فممكن تستمتع بمساج أو تمرينة جيم أو حتى جلسة استرخاء بالملح أو مساج للقدمين في حوض سمك.

مقالات ذات صلة